Siste

K + K

Siste helga i juni fotograferte eg nygifte Kariann og Kjartan. Dei kom frå kirka med båt, og vi tok bryllupsbildene på en nydelig plass ved fjorden med svaberg og gamle naust. Sola var i sterkaste laget denne dagen – kjekt for brudeparet, litt utfordrande for meg. Det blei mange fine bilder til tross for skyggane og eg har fått lov til å dele nokre av dei her :)

En morgen til sjøs

Sommaren 2014 kjem vi til å huske lenge. På mine niogtjue år har eg aldri opplevd maken til temperaturar og solsteik. Med en liten baby i hus har vi visse begrensningar når det gjeld aktivitetar i varmen. Å vere ute med vesla heile dagen er uaktuelt, så det må litt kreativitet til for å finne på fine ting med eldstejenta samtidig som lillegull slepp unna sol og hete. M er fullstendig oppslukt i båtar og er heilt i ekstase over all båttrafikken på fjorden. Cruiseskip, lastebåtar, seglbåtar – lykken er stor så fort ho får auge på en. Vår bittelille plastbåt er ikkje like spennande, så en morgen tok vi en rundtur med rutebåten frå Måløy og ut til øyene. Det slo an gitt! Vi stod ute på dekk og kosa oss med morgensol i fleisen, vind i håret og fantastisk utsikt, mens E sov søtt i salongen rett innfor døra. Alle sine behov ivaretatt og fire fornøgde fjes. Heimeferie er ganske ok :)

Sommar for en toåring

Å vere nesten to år og nettopp ha akseptert at eg samlar dei få, blonde fjona i strikk ♥ Varmen er fortsatt intens, og ho vil bade. Heile tida, i fjorden, i plaskebassenget, i klesstampen, i havet. «Bade meir?» spør ho, og igjen tar vi handkleet frå tørkesnora og finn kaldt, deilig vatn. «En, to, teee», et gledeshyl, og så er vi uti. For en sommar for ei lita (og ei stor) jente!

Kom inn

Slenger meg med på NIB’s juliutfordring i siste liten. Her er bilder av gangen vår og mitt bidrag i utfordringa:

GBildet på veggen er av klatretreet mitt der eg vaks opp. Har tatt det sjøl og forstørra det på lerret. Gangen har den mest stabile temperaturen no om sommaren, så her får fela mi vere. Vanligvis nedpakka, men den er så fin at den må få henge framme av og til.

«Blomsterkrukka» er ei gammal gryte eg fann her på garden. Etter ei runde med turkis spraymaling fikk den ny giv i heimen. Skiltet på hylla kjøpte eg i London for mange år sia. Teksten «please; no singing, no dancing, no swearing; this is a respectable house» er sjølvsagt superironisk. I dette huset praktiserer vi alle tre punkta ganske mykje.. :) Greina på veggen er drivved funne i fjæra.

Stolen er også et gardsfunn. Den har fått en vask og that’s it. Finfin som den er.

 Her likar i alle fall vi å komme inn og heim – håpar det gjeld deg som kikkar innom også :)

Uteliv

For en varme! Temperaturane dei siste dagane har vore heilt galne. 28 grader i skyggen er så varmt at det nesten er for mykje av det gode. Lillejenta er heilt utslått av heten og søv heile døgnet, mens toåringen helst vil vere i vannsprederen på plenen. Den vanligvis så irriterande vinden hos oss er plutselig veldig velkommen. Vi er ute så mykje som vi orkar og terrassen blir i alle fall flittig brukt denne sommaren :) Herlig at vi får slike dagar her på vestlandet – det er ikkje for mange av dei. Om eg skal tru veirmeldingane skal varmen vare nokre dagar til før regnet kjem. Og veit du; det skal faktisk bli godt :)

Eg har rydda terrassen for å knipse bilder av herligheten. Vanligvis er det leikar, plaskebasseng og klestørk som tar all oppmerksomheten. Fikk tak i to flunkande nye butterflystolar frå Bloomingville på finn.no til en ok pris. Jippi!

Sommarglimt

Det er strålande sommarveir her i Nordfjord og heile familien nyt ferie og permisjon. Så langt har sommaren vore nydelig, og vi er berre i begynnelsen av juli. Om det skal fortsette slik har vi mange fine dagar i vente. PC’en står i et hjørne og samlar støv for tida. Eg ser heller på søte babysmil og en sommarglad toåring enn å glo på skjermen. Eg har mykje på hjertet (eller minnekortet), men det kjem når det kjem. No held det i massevis å dele nokre glimt på Instagram i ny og ne. God sommar til deg :)lille E er to veker og vi tok en snartur på stranda/ stas å få servert is i sandkassa/ sesongens første bad/ en liten pust i bakken for små, slitne bein/ eg har hatt bursdag og fikk sjølplukka peonar av Bjørn/ nydelig kveld på fjorden, berre vi to/ minifjelltur med flotte gravide Ida/ meir strandliv/ epleblomstring i hagen

Ny i verden

I går såg denne skjønningen dagens lys. Han er det første av sommarens to føll her på garden. Tillitsfull og sjarmerande liten kar! Artig å sjå på når han testa dei lange beina og hoppa og dansa i sola – så livsglad! Gler meg til nestemann kjem om nokre veker :)


Følg

Få nye innlegg levert til din innboks.